”تبديلي جو فلسفو“ مارڪسي ليکڪ ۽ سوشلسٽ سياست سان سلھاڙيل سياسي ڪارڪن ڪامريڊ بخشل ٿلھي جو ٻيون ڪتاب آهي. هن ڪتاب جو موضوع جدلياتي قانون ۽ ڪيٽيگوريون آهن. هِن ڪتاب ۾ انتهائي سادن مثالن سان هوند ۽ اڻھوند، قطعي ۽ نسبتي، جوهر ۽ ڏيک، سبب ۽ نتيجو، ڪُل ۽ جُز، لازميت ۽ اتفاق، محدود ۽ لامحدود جي ڪيٽيگورين جي کول ڪئي وئي آهي. جدليات ۽ فلسفي تي سنڌي ۾ گهڻا تڻا ڪتاب ترجما آهن. جيڪو ٿورو گهڻو طبع زاد ڪم ٿيو آهي، هي ڪتاب انهن منجهہ پنهنجي هڪ خاص حيثيت رکي ٿو. جيئن تہ ليکڪ پاڻ سياسي ڪارڪن آهي تنهن ڪري هي ڪتاب سياسي ڪارڪن جي اک ۽ سمجهہ سان تبديلي جي فلسفي کي سمجهائي ٿو.