ڊاڪٽر نبي بخش بلوچ صاحب جو ھيءُ ڪتاب نج سنڌي داستان مومل راڻو جي افسانوي قصي تي مشتمل آھي. جنھن ۾ موصوف مومل راڻو جي ڪھاڻي جڙڻ جي محل وقوع، ان وقت جي حڪمرانن (سومرن) جي تاريخ ۽ راڻي جي مومل سان ملڻ جي نوعيت ۽ مومل جي طلسماتي محل ٺھڻ يا ٺاھڻ جي اسبابن تي گھري مطالعي ۽ ڪتابن جي ڇنڊ ڇاڻ مان حاصل ڪيل مواد کي سھيڙي ھڪ بھترين ۽ جامع راِء جوڙي آھي۔ ڏند ڪٿائن، ڀانن ۽ ڀاٽن، مڱڻھارن ۽ عوامي شاعرن طرفان ٻڌايل لوڪ شاعري جو بغور جائزو وٺڻ بعد ھڪ سھڻو رزميہ ڪتاب پيش ڪيو آھي۔ قاصر اڪبر ميمڻ